Sa tumong nga makatabang sa mga COVID-19 frontliners sa syudad, mikabat sa 525 thousand peso cash ang nakolekta sa DepEd Tagum gikan sa mga donasyon sa mga teaching ug non-teaching personnel sa Tagum.
Ang maong donation drive gipahatabo pinaagi sa inisyatibo ni DepEd Tagum Schools Division Superintendent Dr. Josephine Fadul.
Dugang pa niana, 835 ka face masks ug duha ka sakong bugas usab ang gi-donate sa DepEd Tagum. Mismong mga TLE teachers ang nag volunteer ug panahi sa mga face masks.
Niadtong Abril 15, gi turn-over sa DepEd Tagum ang maong mga donasyon sa LGU Tagum diin mapasalamatong gidawat kini ni Mayor Allan Rellon.
Siguradong dakong tabang kining mga donasyon nga gihatag sa DepEd Tagum alang sa atong mga health workers ug frontliners sa ilang pag kombate batok sa COVID-19 crisis sa dakbayan.
Sent by Roy Banias
